Охрид често е критикуван поради високите цени, а особено фиктивните кои се измислуваат за странските туристи кои доаѓаат во посета на градот. Сепак од мало покачување до вртоглава сметка има голема разлика. Неодамна еден турист од странство се пожали за „огромната сметка“ во ресторан во Пештани.
Јоханес напишал дека тој и уште 8 негови пријатели седнале во ресторанот на ручек, а 7 од нив порачале риба, салата и зелечнук кој го поделиле. Исто така порачале и пиво и црвено вино. Освен што им го донеле најскапото вино од менито туристот вели дека им донеле и работи кои не ги порачале.
„Бевме група од девет лица и имавме многу необично искуство во овој ресторан. Кога седнавме, тие самите ни кажаа дека имаат свежа пастрмка од езерото, па така седуммина од нас порачаа малку риба и салата и зеленчук за да ги споделат. За пиење нарачавме пиво и црвено вино. Уште на почетокот тие ни носеа многу повеќе отколку што нарачавме, и исто така не ни кажаа колку риба ќе ни донесат. Кога дојде сметката видовме дека ни го дале најскапото вино (едно шише 1500 денари), а имаше работи на сметката што не ги нарачавме, а и не ги добивме. Но она што стана проблематично е што тие не послужија со 12.5 килограми риба за седум лица, без воопшто да не прашат колку сакаме. На крајот ни испорачаа сметка од преку 50.000 денари“ пишува туристот.
Од фискалната која Јоханес ја објавил може да се види дека само за пастрмка, за 12.4 килограми платиле 27.290 денари, додека за црвено вино 6000 денари, а за бел сос 1250 денари.
Шокираните туристи не се согласувале со сметката и го повикале менаџерот, но вработените од ресторанот им викнале обезбедување. По 3 часа расправање и полиција, туристите платиле 40.000 денари, бидејќи од ресторанот им ја намалиле сметката за 10.000.
Јоханес вели дека сите се чувствуваат измамено.
Смеењето е најслатко кога е на своја сметка. Дознајте какви несекојдневни работи се случуваат во секојдневниот живот на Македонците на каналот Македонски несекојдневни ситуации. Испратете и своја смешна слика или видео и учествувајте во Награданта игра.
