Еве што нѐ советува за работата, животот и личниот развој гуруто на современиот бизнис, Сер Ричард Бренсон.
Основачот и претседателот на „Вирџин груп“, кој се состои од над 300 компании – од кои секоја е дел од целокупната, но исто така функционира како посебна деловна единица. Човекот кој се залага за 4-дневна работна недела и има намера да ги организира првите патувања во вселената.
За работата и бизнисот
Најдобар совет што би можел да го дадам на дипломците е да го потрошите вашето време на работа за која имате страст за живот. Ако вашата специјалност е фокусирана на одредена област, не дозволувајте да ве спречи да одите во повеќе правци. Доколку факултетот не вроди со плод, не дозволувајте работите да тргнат наопаку.
Ако забележите можност и навистина сте возбудени, фрлете се во неа со сѐ што имате. Бидете амбициозни. Зграбете ја со двете раце.
Околу 80% од вашиот живот го поминувате на работа. Сакате да се забавувате дома, а зошто да не се забавувате на работа?
Јас секогаш го гледав мојот бизнис не како машина за правење пари, туку како авантура, која се надевам дека ќе ги подобри животите на луѓето.
Не се вклучувајте во нешто, ако не ви претставува задоволство.
Во бизнисот е како во животот – важно е да се прават добрини.
Бизнисот е посветен на подобрување и збогатување на животот на луѓето. Инаку, подобро е да не се вклучувате во него.
Во секоја организација, секој надзорник – од раководителот на одделот до врвниот менаџер – понекогаш мора да го симне костумот и да ги засука ракавите.
За новите шанси
Можностите во бизнисот се како автобуси – секогаш има следен.
За правилата и грешките
Не дозволувавте фразата „не треба“ да ве спречи да го направите она што го мислевте.
Никогаш не сум рекол: „Не можам да го направам тоа затоа што не знам како.“ Секогаш се трудам и не дозволувам глупави правила да ме спречат.
Вие нема да се научите да одите со следење на правилата. Ќе научите едноставно обидувајќи се да одите … и кога нема да успеете.
Гордоста никогаш не ме спречува да признаам кога не сум во право.
Ако сте претприемач и не правите грешки, тогаш не сте претприемач.
Во претприемништвото нема место за конзерватизам. Ваквиот начин на размислување ви ги крие крилјата, ве прави слаби и не дозволува да ја оцените ситуацијата правилно.
Научив повеќе од луѓе кои доживеале неуспех од оние кои лесно успеале.
На прво место, неуспехот значи дека воопшто не се обидувате. Неуспешните луѓе се оние кои не се обидуваат и не вложуваат никакви напори. Малкумина се оние кои се обиделе да направат нешто и не успеале, но доживеале големо задоволство од фактот дека барем се обиделе.
Луѓето навистина не се грижат за она што не ви оди, па не размислувајте за тоа. Без оглед на вашите достигнувања во животот, активностите што не знаете да ги правите секогаш ќе бидат повеќе од оние во кои сте добри. Затоа, не дозволувајте ограничувањата да ја поткопаат вашата самодоверба. Заборавете на нив и фокусирајте се на вашите силни страни.
За храброста и соништата
Успехот не доаѓа до оние кои ја следат испеаната песна. Мора да бидете иноватори – сѐ уште се сеќавам дека најголемите човечки достигнувања беа производ на глупави идеи.
Бидете храбри и не го живејте животот кој „треба“ да го живеете.
Храбриот човек можеби не живее вечно, но претпазливиот воопшто не живее.
Ако не сонувате, нема да постигнете ништо.
Обидете се да бидете меѓу првите во она што го правите. Ако се обидувате да ги правите нештата што другите велат дека се невозможни, тоа ќе се смета за ризик. Ризикувајте но сепак имајте план во случај да пропадне. Кога одам на патување, секогаш претпоставува дека може да се случи пад и имам спасувачка опрема. Истото е и со управување на компанијата.
Јас цврсто верувам дека ништо не е невозможно во животот.
За ветувањата
Подобро да ветуваме помалку и да даваме повеќе отколку обратно.
Она што секогаш се трудам е да го одржам мојот збор, без разлика на кого сум го дал.
За среќата и успехот
Среќата не доаѓа сама – за неа треба да се работи.
Доколку еднаш дошол кај вас, успехот нема да ве напушти. Дури и кога мислите дека тоа го направил тоа.
За животот и семејството
Поминувајте време со своето семејство – тоа е најважно. Одгледувајте ги децата со многу, многу љубов. Тие треба да бидат способни да разговараат со вас за апсолутно сè.
Не бидете работохолик. Мојата филозофија е дека животот се живее еднаш и треба да го направиме тоа најдобро.
Користете ја паузата за ручек. Не верувам во сендвичот. Седам на тераса и јадам вистински ручек.
Имајте време за себе. Станувам многу рано, некаде околу 6:30. Пред работа одам или сурфање, или тенис, или пливање. Ова е предност на работењето од дома.
Ако можете – работете од дома. Никогаш не сум работел во канцеларија. Работам од дома. Сакам да кажам дека не управувам зад биро, туку од некоја импровизирана лежалка.
Човек не може да ги земе парите во гробот, па затоа е важно да оставите нешто зад себе, што ќе биде корисно за идните генерации.
Запомнете: Никој на смртната постела не зажалил затоа што поминал многу малку време во канцеларијата.
