Џејмс Харисон во Австралија е познат како „Човекот со златната рака“, но не затоа што го бива за некој спорт. Имено, во изминатите шеесет години, Харисон донирал крвна плазма од својата десна рака речиси секоја недела.
Неговото често крводарителство не е само страничен ефект на неговата великодушност. Кога бил дете било откриено дека неговата крв содржи невообичаени антитела. Во шеесеттите на дваесеттиот век, докторите овие антитела ги употребиле за да развијат инекција наречена Anti-D.
Благодарение на уникатната крв на Харисон, Anti-D помогнала да се спасат животите на над два милиони бебиња, како што известува Австралискиот Црвен Крст.
Anti-D е единствениот лек за Rh заболувањето – состојба при која крвта на бремената жена започнува да ги напаѓа крвните клетки на нејзиното неродено бебе. Харисон бил еден од првите донатори кај кои биле откриени антитела неопходни за овој лек.
Секоја инекција со Anti-D во Австралија била направена од крвта на Харисон.
Во Австралија тој се смета за национален херој и освоил бројни награди. Донирал крв вкупно 1000 пати.
Нема сомнеж дека Харисон е несебичен и великодушен, но по сите овие дарувања, тој сѐ уште не може да поднесе едно нешто…да гледа како иглата му влегува во раката.
