Мајката на Дилан Дјуран, американски ученик од Њу Мексико мислела дека на нејзиниот син му се зголемил апетитот последните неколку месеци. На крај момчето ѝ призна на својата мајка што се случува…
„Мамо, мене ми падна многу жал за едно помало момче од нашето училиште. Тој секој пат седи гладен затоа што неговите се многу сиромашни и немаат што да му стават за јадење. Цел ден тој го поминува со една чаша вода.“
Откако во училиштето се расчуло за настанот, мајката на сиромашното дете се сретнала со мајката на Дилан, им се заблагодарила и ѝ понудила пари за оброците, затоа што во меѓувреме се вработила. Мајката на Дилан, се разбира, не ги зела парите, затоа што пред некое време и тие биле во тешка финансиска ситуација и знаела како е.
За да му се заблагодарат на Дилан, учениците од целото училиште собрале 400 долари и му ги подариле. Тој повторно направил добро дело и со тие пари платил оброци во училишната менза, за да може децата кои во моментот немаат пари да јадат без да платат.
