Секој сака да се освежи под туш, но ефектот на долгото уживање под водата има не толку пријатен ефект врз природната околина.
Во некои места во светот, како што е случајот со американската држава Калифорнија, веќе сериозно почна да се чувствува недостигот на вода и граѓаните се сѐ повеќе загрижени и критични кон непотребното расфрлање со овој животен ресурс. Поттикнати од тоа, дизајнерите во една нова компанија изнашле дизајн кој се стреми кон подобрување на оваа состојба со поекономично трошење на водата.
Компанијата Небиа развила туш кој троши 70 отсто помалку вода, без тоа да се одрази врз нормалното задоволување на личната хигиена. Како што истакнуваат на Стартпејџ:
Нашата технологија употребува прскалка осмислена да ја атомизира водата под силен притисок, па така млазот вода се распрснува во милиони мали капки. Површината која ја покриваат овие капки е десет пати поголема од таа на нормалниот туш, со што се намалува потрошувачката на вода, а се наводенувате во иста мера како и порано.
Луѓето во развиените земји непотребно трошат огромни количества вода. Денес еден човек во просек троши 75 литри вода дневно, и тој износ продолжува да се зголемува. Во 1999 година, износот на просечно потрошено количество вода дневно бил три пати помал.
Овој интересен пронајдок е сѐ уште во фаза на прототип, но напорно се работи на неговото усовршување и оптимизирање.
