Зошто велиме дека старите добри денови останаа зад нас? Се разбира, вашиот телевизор е полесен од тој од пред десет години, но затоа вие во меѓувреме сте качиле десеттина килограми; кога ќе ви паднел вашиот стар Нокиа мобилен, го оштетувал паркетот, но затоа вашиот нов ајфон чини колку свеж орган на црниот пазар за човечки органи, а се распрснува на најмали парченца само ако лошо го погледнете, што се вели. Порано кога ќе добиевме лоша оценка, се тресевме од страв повеќе од реакцијата на нашите родители, отколку од срамот поради слабата оценка – сега просветните лица се тресат од страв поради реакцијата на родителите кога нивните деца ќе добијат слаба. Човек не може, а да не се запраша – WTF?!
Погледнете ги овие илустрации „Тогаш и сега“, кои покажуваат дека проблемот е глобален, а според мене една од најинтересните е онаа во која порано владетелот наредувал врз бунтовниците да се сипе врело масло за да ја растера толпата, а сега само треба да нареди да им се исклучи интернетот.
