Дали во моментов посакувате да сте каде и да е, само не во вашата канцеларија? Дали сакате да отпатувате на некој далечен остров, сами?
Можеби би требало да ги земете предвид Фарските острови. Ним им е потребен прилив на население. Не зборувате старонордиски јазик? Фарските острови целосно го заслужуваат вашиот труд да го научите овој јазик.
Гасаладурските водопади на островот Вагар
Фарските острови се наоѓаат во зафрлено катче од светот, северно од Шкотска, кадешто Норвешкото море се граничи со Атлантскиот океан.
Клаксвик после зајдисонце
Звучи студено, нели? Но всушност и не е толку лошо. Островите ги заплискува северноатлантската струја, што придонесува за умерената клима. Зимите се особено благи ако имате предвид колку на север се наоѓаат.
Поглед од Скопунарфјордур кон Колтур, Стрејмој и Сандој
Нема многу дрвја. Поради некоја причина, на дрвјата не им оди добро на Фарските острови.
Во последно време експериментираат со увезени дрвја од слични островски околини, како Тиера дел Фуего. Да се надеваме дека ќе им успее.
Овци на островот Борѓој
Во недостаток на дрјвја, барем имаат овци. И тоа многу. Името на островите буквално се преведува во „Овчи“ острови.
Егзотични птици на островот Микинес
Островот изобилува со прекрасни егзотични птици.
Градот Клаксвик
Во блиските води скитаат и многу китови. Островите се едни од ретките места на светот кадешто можат да се видат ретките црни делфини.
Стрмните карпи на Стрејмој
И покрај нивната оддалеченост, Фарските острови се одамна населени. Најверојатно за прв пат биле населени од ирски пустиножители и норвершки фоармери во 4. в.н.е.
Светилник на Микинес
Викинзите ги контролирале островите низ целиот среден век и подоцна. Тоа било голема база за нападите на Шкотска и Ирска.
Панорама од Клаксвик
Старонордискиот, кој бил јазикот на Викинзите, е основата на фарскиот јазик, кој сѐ уште е мајчин јазик на жителите.
Пристаништето Торшавн
На училиште учат дански, бидејќи Фарските острови се под надлежност на Данска.
Селото Гјогв
Данската власт сепак е само симболична и номинална; Фарските острови практично се самостојни и имаат свои претставници во Данска и Европската Унија.
Селото Лејнар
Островите претходно биле владеани од Норвешка и Велика Британија
Островот Вагур
Норвешка ги наследила Фарските острови од Викинзите и го задржала господството над нив сѐ додека Данска не ги освоила во почетокот на 19. век.
Фарски водопад
Велика Британија ги освоила островите за време на Втората светска војна
Кога Данска паднала под нацистите, Британците не сакале Германците да имаат контрола врз толкав простор во нивна непосредна близина поради што повеле акција да го спречат тоа. По војната пак ѝ ги вратиле на Данска.
Залив во Асмундарстакур
Британците им оставиле специјален подарок од своето владеење: аеродром.
Не е којзнае колку голем, но значително го подобрил пристапот до далечните острови.
Каскади на Сидрадалур
Бројот на население на сите острови заедно изнесува околу 50.000.
Облаци над Литла Димун
Само еден остров не е населен. Островот Литла Димун е сепак премногу мал за да биде погоден за постојано живеалиште.
Карпите на Асмундастакур
Иако островите имаат една од највисоките стапки на прираст на населението, тие исто така имаат една од највисоките стапки на одлевање на младото население. По завршувањето на средното училиште, повеќето млади луѓе заминуваат во Данска во потрага по нови можности.
Куќи во Торшавн
Иако во последно време им оди добро, нивната економија доживеала крах во седумдесеттите и осумдесеттите години, откако меѓународните правила за риболов ја десеткуваа нивната основна дејност.
Мочуришта во Гјогв
Во моментот нивната економија се крепи на резервите на нафта, но исто така се во потрага и по нови индустриски капацитети.
Главниот град Торшавн, на островот Стрејмој
А сепак, жителите на Фарските острови не се толку благосклони кон преголемото комерцијализирање и трговските синџири.
На островите има само еден претставник на таков синџир – еден и единствен Бургер Кинг кој се наоѓа во главниот град.
Поглед од височина
Наместо поп култура, островјаните љубоморно си ја чуваат нивната традиционална фолк култура. Особено се успешни во поезијата. Во изминатите два века се случува вистинска книжевна ренесанса – најчесто на фарски јазик, во чест на подзаборавениот јазик, но и како начин да се одржи јазикот во живот.
Поглед од островот Сидрадалур кон Колтур
Народните песни и танци се популарни слободни активности при кои често се покажуваат традиционални костуми за чијашто изработка понекогаш се потребни години.
Црква во селото Виѓареиѓи
Традиционално островјаните се христијани. Тие биле конвертирани во првите бранови на скандинавското и британското покрстување.
Залив на островот Есторој
Фарските острови се единствениот дел на Скандинавија кадешто нема заживување на паганството. Што е доста чудно, со оглед на нивната приврзаност кон старите традиции и јазик.
Црква на островот Ејстурој
Наводно, островите еднаш ги посветил Св. Брендан. Но иронично, тие најмногу го слават Св. Олаф, светецот заштитник на Норвешка, кој христијанството од Медитеранот го пренел на север.
Виножито над Колтур
Денот на Св. Олаф е 28. јули, но островјаните го претвориле овој празник во тридневен фестивал на игри, танци и читање поезија.
Секој издвојува значителен дел од своето работно време да учествува во парадите и гозбите. Ако некогаш се решите да ги посетите Фарските острови, тоа е најдоброто време во годината. Во остатокот од годината не се случува ништо којзнае колку спектакуларно. Освен ако не сакате да гледате овци.
