Во чест на Светскиот ден на книгата, компанијата 7UP нарачала од аргентинскиот уметник Раул Лемесоф да конструира еден од неговите познати тенкови со книги. Лемесоф зел стар Форд Фалкон од 1979г. и од него направил библиотека на тркала способна да носи 900 книги. Уметникот своите подвижни библиотеки ги нарекува „оружја за масовно уништување“ и ги вози наоколу по улиците на Аргентина раздавајќи бесплатни книги на секој којшто ќе посака една, но мора да вети дека ќе ја прочита.
