Мадам Си Џеј Вокер е родена под името Сара Бридлав во 1867 година. Таа е првото слободно дете родено во семејството на робови на плантажа за памук во Луизијана. Сара останала сираче на 7-годишна возраст и била испратена да живее со нејзината постара сестра Лувинија и нејзиниот сопруг во Мисисипи.

Во Мисисипи Сара почнала да работи на памучни полиња и честопати била третирана лошо од страна на сопругот на нејзината сестра. За да се спаси од оваа неподнослива околина, таа се омажила за Мојсеј Меквилиамс кога имала 14 години и наскоро родила ќерка, А’Лејла. Сара останала вдовица на 20-годишна возраст и се преселила со својата ќерка во Сент Луис, каде што почнала да работи како перачка и посетувала вечерно училиште.

Во 1890-тите, Сара страдала од проблеми со скалпот, па нејзината коса почнала да паѓа. Тогаш губење на косата бил чест проблем, бидејќи повеќето луѓе немале можност да се искапат затоа што не можеле да си дозволат да се капат во своите домови, како и да обезбедат греење или електрична енергија. Капењето било луксуз кој малку луѓе можеле да си го дозволат. Обидувајќи се да ја подобри нејзината состојба, Сара започнала да експериментира со домашни рецепти за губење на косата и да меша различни производи, правејќи ги нејзините шампони и маски за коса.

Сара основите да подготовка на овие производи ги добила од нејзините браќа кои биле бербери. Таа успеала да направи „Чудотворна крема за раст на косата“ и со помош на нејзиниот нов сопруг Чарлс Вокер, кој работел за локалниот весник и имал искуство во рекламирање, почнала да го продава нејзиниот производ. Чарлс и предложил на Сара да го користи псевдонимот Мадам Си Џеј Вокер.

Мадам Си Џеј почнала да го продава производот тропајќи од врата на врата заедно со нејзиниот сопруг. Дизајниран специјално за афроамериканските жени, кремата за раст на коса „Madam Walker’s Wonderful Hair Grower” и шампонот „Madam Walker’s Vegetable Shampoo” станале хит меѓу жените. Заедно со секој продаден производ, Сара им објаснувала на жените како да ги користат производите и им го покажувала резултатот кога ја пуштала нејзината бујна коса.

Наскоро почнал да се развива бизнисот на Сара, а жените од цела Америка почнале да ги нарачуваат нејзините производи. Нејзиниот приход се зголеми, а во 1908 година отворила училиште за убавина и фабрика во Питсбург и набргу потоа одлучила да го основа нејзиниот бизнис во Индијанаполис. Компанијата Мадам Си Џеј Волкер станала толку успешна што не само што продавале шампони и производи за коса, туку и обучувале козметичари познати како Вокер агенти.

Нивната задача била да ја прикажат филозофијата на Сара за „чистотата и убавината“. Почнала да организира клубови и дискусии, а за неколку години обезбедила работа на стотици Афроамериканци со отворање на филијали на својата фабрика во Куба, Хаити, Панама, Костарика и Јамајка.

До нејзината смрт, Сара се покажала како дарежлив донатор, обезбедила стипендии за неколку училишта и водела кампањи против расизмот и насилството. Таа помогнала при основањето на разни здруженија во Индијанаполис и реставрацијата на домот на Фредерик Даглас во Вашингтон. Сара Бридлав се смета за прва американска жена која станала милионер.

Сподели на Facebook
пати видено