Производителот на автомобили BMW откри уникатна верзија на X6, кој е испрскан со неверојатната Vantablack VBx2, која се смета за „најцрната можна боја“.

Импресивното возило ќе биде изложено на Саемот за автомобили во Франкфурт во септември и е единствениот автомобил во светот кое е обложено со оваа боја, која совршено ги истакнува дизајнерските карактеристики.

BMW соработуваше со британските креативци на Vantablack, која првично беше развиена за вселенските истражувања. Основачот и главен технички директор Бен Џенсен вели дека одбиле повеќе компании, но сметаат дека BMW X6 и неговиот уникатен, експресивен дизајн најдобро ѝ одговараат на бојата.

Површината обложена во Вантаблек обично ги губи карактеристиките што не ја прави најдобрата боја за автомобили со импресивни детали за дизајн и елементи. Сепак, BMW X6 бил обложен во варијантата VBx2 првично развиена за употреба во архитектонски и научни апликации, тврдат германските производители на автомобили.

Оваа обвивка може да се испрска и има едно-процентна целосна хемисферична рефлексија, што значи дека сè уште се смета за „супер црна“ додека овозможува мала количина на рефлексија од секој агол. Ова прави материјалите напрскани со оваа боја да го изгубат својот тродимензионалниот изглед.

Оваа технологија првично беше развиена за обложување на компонентите кои се носат во вселената. Бидејќи Vantablack може да се примени на температури од 430 степени целзиусови, тој е погоден за деликатни материјали како што е алуминиум.

Оптичките компоненти обложени во Вантаблек овозможуваат набудување на слаби sвезди и далечни галаксии бидејќи залутаната светлина од сонцето го отежнуваат откривањето.

Првата генерација на Vantablack воведена од Сари Нано Системс во 2014 година апсорбираше 99.965% од светлината, скоро целосно отстранувајќи ја рефлексијата и залутаната светлина.

Сподели на Facebook
пати видено