Патиштата се важен дел од инфраструктурата на секоја земја бидејќи се важна комуникација преку кои се остваруваат трговските врски и се доставуваат стоки, се превезуваат луѓе, се олеснува контролата и интегритетот на државата итн. Всушност, едно од мерилата за развиеноста на една држава е развиеноста и состојбата на патиштата во неа.
Но, дури и во развиените земји не сите патишта се безбедни и пријатни за возење. Во редовите кои следуваат ви претставуваме некои од најопасните патишта во светот.
1. Хималајските патишта
Без метар асфалт, и во целост по Хималајските планини, можете да претпоставувате каква авантура е да се вози по овие патишта.
2. Џемс Далтон Роуд, Аљаска
Во овие краишта ветерот е толку силен што понекога носи камења и ги истура врз возилата кои се движат по патот. Покрај тоа, во поголемиот дел од годината е прекриен со снег.
3. И-15 од Лас Вегас до Лос Анџелес, САД
На овој пат од 290 километри кој ги поврзува Лас Вегас и Лос Анџелес годишно се случуваат повеќе несреќни случаи со фатален крај отколку во целата држава Невада, и сето тоа поради комбинацијата од лудо возење во пијана и дрогирана состојба и некористењето на појаси.
4. Тунелскиот пат крај Гволијанг, Кина
Тоа што го прави страшен овој планински тунел во Кина е што не е професионално изведен. Селаните од блиското село Гволијанг решиле да го изградат на своја рака, без никакво овластување од државата, бидејќи сметале дека се изолирани од остатокот од општеството.
5.Авенија на Комонвелтот, Филипини
Познат како „Патот убиец“ оваа авенија во Квезон Сити убила голем број на пешаци и велосипедисти што најмногу се должи на ужасната регулација и недоволната примена на сообраќајните правила во овој регион.
6. Патот 550, Колорадо, САД
И покрај тоа што се работи за планински пат со бројни кривини, на овој пат заборавиле да стават банкини, што е баш безбедно, нели?
7. U.S. 24 од Форт Вејн до Толедо, САД
Извесен дел од овој патен правец го носи прекарот „Пат убиец“ поради острата кривина во која најчесто се судираат патнички автомобили со тракторите кои влечат фабрички материјали.
8. Патен правец 2, Монтана, САД
Овој пат во северна Монтана е озлогласен по високата смртност, која во најголемиот број случаи се должи на бавното реагирање на итната помош во ретко населената област.
9. Патот Јунгаш, Боливија
Боливијците го нарекуваат „Патот на смртта“, бидејќи во бездната крај него толку често паѓаат автобуси и камиони, што се смета за најопасниот пат на светот.
10. И-95, Конектикат, САД
Овој пат од 12 километри до Норвалк, Конектикат е одговорен за 10 посто од сите сообраќајни несреќи во државата. Ова се должи на метежот како и на незгодните ридови.
11. Патот во клисурата Тароко, Тајван
Острите и слепи кривини го прават најопасниот пат во Тајван.
12. BR-116, Бразил
Популарно наречен „Автопат на смртта“, овој автопат зема илјадници жртви годишно поради лошото одржување. A nи нападите на бандите и ограбувањата не го прават помалку опасен.
13. Скиперс кањон роуд, Нов Зеланд
Овој новозеландски пат е толку опасен што за да возите по него ви треба специјална дозвола.
14. Пасубио, Италија
Замаени од прекрасната глетка, многу возачи се струполиле од карпите на овој пат во Италија. Најопасните делови од патот се забранети за возила и по нив можат да минуваат само пешаци.
