Некои самоуверени луѓе може да речат: „Сум видел сè.“ Но, ние веруваме дека овие фотографии на јајца од мраз кои лежат на финскиот брег, би можеле да имаат шанса да ги премислат.
Овој временски настан изгледа толку необичен, што може дури да нѐ натера да помислиме дека некои џинови си го расипале мразот од кафето и заборавиле да си ги прекријат трагите.
Наликувајќи како топки, мистериозните формации со различна големина беа забележани во Финска. Ристо Метила, еден од сведоците, рече дека никогаш не видел вакво нешто во 25 години живеење во близина на морето.
Иако оваа глетка изгледа „надвор од овој свет“, експертите нѐ уверуваат дека не станува збор за магија или вонземјани. За тоа се потребни некои посебни услови.
Температурата на водата мора да биде близу до точката на замрзнување, а температурата на воздухот треба да биде нешто под нулата. Мора да биде доволно ветровито за да може да се формираат бранови и плажата да биде песочна и плитка.
Топките обично се формираат околу нешто. Може да биде слој од мраз, парче ѓубре, камен или снежен кристал. Додека водата замрзнува околу овие работи, ветрот ги тера да се вртат и на крајот создава грутки во форма на сфера. И тие растат сè додека брановите не ги истуркаат на брегот.
Правилните услови се важни затоа што премногу ветер може да спречи формирање на топки. И ако нема ветер, мразот ќе замрзне на брегот.
