Кејси Завалја создава портрети во техника која таа ја нарекува „везено сликарство“. Делото започнува со фотографирање на моделот. Од 100-150 фотографии таа ја избира најдобрата по што започнува да ја везе врз белгиско ленено платно. Како што споделува:
„Со текот на годините развив техника на шиење којашто ми овозможува да ги мешам боите и нијансите на начин кој потсетува на класичното сликарство. Правецот во кој се шие конецот потсетува на потезите на четката што овозможува илузија на длабочина, волумен и форма. Мојата методологија се граничи со опсесивност, но тоа ми овозможува реалистично отсликување на косата, кожата и облеката во најситни детали.“
Таа посветува внимание и на задниот дел од нејзините портрети, што резултира со нивна апстрактна верзија.