Иако повеќето од нас уживаме да се изгубиме себеси во некој урнебесен филм, за Трејси Херинг ова може да биде опасно по здравјето. 44-годишната жена мора да избегнува било што што би ја насмеало, плашејќи се дека тоа може да ја остави привремено парализирана. Г-ѓа Херинг, која живее во Шефилд, страда од ретко нарушување познато како катаплексија којашто предизвикува ненадејна слабост на мускулите предизвикана од силни чувства.
„Во мојот случај, смеата предизвикува вратот да ми стане слаб“, вели таа. „Губам контрола врз моите екстремитети и станувам парализирана на левата страна. Тоа вообичаено трае неколку секунди, но е застрашувачко.“
Поради нејзината катаплексија, Херинг не гледала комедија уште од 2003 година, кога прв пат и било дијагностицирано ова ретко нарушување. „Пропуштив многу големи хитови“, признава таа. „Непријатно е кога пријателите ќе ме прашаат – го гледаше ли тој филм? Секако дека не сум го гледала.“
И покрај претпазителните мерки, таа сепак претрпува напади од време на време, и поради тоа се чувствува посрамено. Нејзиниот партнер Мајкл Вајлд кога првпат ја сретнал мислел дека пиела пред средбата. Првите напади почнала да ги добива кога имала триесет и две години.
„Пиев чаша црвено вино, смеејќи се. Одеднаш добив чудно чувство во раката, изгубив контрола врз неа и насекаде го истурив виното. Раката ми висна, се избезумив од страв.“ Како што нападите зачестиле, таа се исплашила дека добила тумор на мозокот. „Прво беше мојата рака, а потоа тоа почна да ми се случува и со вратот и нозете. Направив невролошки тестови и се испостави дека имам катаплексија. На луѓето кои ги среќавам им објаснувам дека ми се случува тоа, инаку може да биде доста непријатно.“
Еднаш паднала и на улица, но за среќа со неа биле нејзините родители, бидејќи кога паднала, удрила многу лошо на главата. „Ужасно е да се помисли дека би можело да ми се случи такво нешто кога сум сама“, вели таа.
Покрај ненадејната мускулна слабост, катаплексијата се манифестира и со забавен говор и привремено нарушен вид (двојно гледање, неспособност за фокусирање), но слушањето и свесноста се ненарушени. Нападите често траат помалку од две минути. Некои луѓе имаат напади на катаплексија кои траат и до триесет минути.
Доколку сакате добра акција или пак забегани и жестоки случки само за најхрабрите читатели, тогаш посетете го каналот Жестоко. Предупредување: Содржините може да ве вознемират!
