Кафето е топла напивка без која голем дел од светот не може да се разбуди. И додека можеби се одвикнувате од кафето или се обидувате да го замените со кафе без кофеин, според некои нови истражувања љубовта (или во некои случаи зависноста) кон кафето е можеби нешто што ни е врежано во гените.
Вашиот мозок на кафе
Во едно истражување спроведено во 2011 година од страна на Харвардското училиште за јавно здравје биле скенирани геномите на 47.341 човек од кои била обезбедена информацијата за нивната употреба на кафе. Истражувачите откриле дека редовните кафепијачи имаат два гени во организмот кои помагаат во ефикасното метаболизирање на кофеинот.
Несекојдневна комбинација
Овие два гени помогнале да се објасни малиот процент на луѓе кои не можат да се освестат наутро без дупла доза на еспресо. Но тие не ја прикажуваат целата слика, бидејќи можеби се наоѓале и уште поретки варијации на „кафеџиските гени“.
Тајните шест
Биле потребни цели три години, но истражувачите конечно успеале да ги откријат и тие поретки варијации. Во најновото истражување од 2014 објавено во „Молекуларна билогија“ било прогласено пронаоѓањето на шест нови „кафе гени“ со што бројот на гените поврзани со кафето на определен начин се покачил на осум.
Јака работа
Се разбира има и некои исклучоци. Истражувањето пронашло слични генетски комбинации во Европа, Америка и Австралија, но тие комбинации се губат на места како Пакистан, кадешто пиењето кафе е реткост.
Треперење
Специфичните генски комбинации кај овие луѓе им помагаат на нивните организми полесно да го сварат кафето. Кај луѓето кај кои овие гени отсуствуваат тоа оди малку потешко и можеби тоа е причината поради која кај нив се јавува треперење после испиеното кафе.
Добрите ефекти на кафето
Кафето не само што може да ви помогне да го поминете понеделничкиот утрински работен состанок, туку има и други полезни особини. Според еден експеримент спроведен во 2012 година, кафето може да помогне и за подобро помнење.
Дај уште едно
Според друго истражување спроведено врз луѓе во поодмината возраст било утврдено дека пиењето кафе ја одлагало појавата на деменција и Алцхајмерова болест кај луѓе кои веќе покажувале знаци на заборавност.
Сѐ најдобро за кафето
Кафето понекогаш (погрешно) се опишува како лоша навика, но едно долготрајно истражување покажало дека пиењето кафе може да помогне во спречувањето на срцеви болести, болести на дишниот систем, удар и дијабетес. Како и да е, имајте на ја на ум старата народна поговорка дека „многу арно не е на арно“, а и цел ден да се налевате кафе пред телевизорот гледајќи срцепарателни турски серии – сепак тоа можеби нема да биде многу здраво за вашето срце.
