Домашно блаженство: Мајка на две деца прави семејни фотографии со доза на црн хумор

Сузан Кобич од Њујорк, актерка и мајка на две деца на традиционалниот начин на семејна фотографија ѝ придава доза на црн хумор со оваа серија фотографии наречена „Домашно блаженство“.

Кобич со години го сликала своето семејство, но во нејзините четириесетти увидела дека речиси во секоја фотографија недостасува нешто. Така решила да ги земе нештата во свои раце, создавајќи фотографии кои ќе ги отсликуваат сите нејзини чувства, дури и нејасните, а исто така и негативните чувства.

„Кога ќе ме сретнете, ќе видите дека имам навидум секогаш пријатно расположение, но во мене има цел еден внатрешен свет во кој понекогаш чувствувам депресија и гнев. Многу години го чувам скриен, но сега решив да го истражам малку. Навистина е забавно да се изнесат овие нешта на површината“ – вели таа. Секоја фотографија има „мрачен привкус“ кој е предизвик за традиционалното восприемање на семејната фотографија.