Дали некогаш сте се вратиле од продавница со чувството дека сте купиле повеќе отколку што ви е потребно? Ако одговорот на ова прашање е да, тогаш и вие сте се вброиле во жртвите на маркетиншките досетки. Употребата на софистицирани психолошки трикови во маркетингот е доста напредната.
Целта на секоја компанија е да оствари што е можно поголем профит. Затоа и користат разни трикови, развивани долги години, со цел да ги убедат купувачите дека нивните производи се полезни и неопходни, иако тоа често не е така. Тие трикови често немаат никаква врска со разумот, туку претставуваат манипулација со нашите чувства и длабоко всадените инстинкти. Денес ќе ви претставиме некои од највообичаените и најчесто употребуваните трикови кои се користат во големите продавници и супермаркетите.
1. Музика во продавниците
Музиката влијае на нашата способност за купување на два начина. Пред сѐ, таа влијае добро да се чувствуваме и го подобрува расположението. Тогаш сме подготвени и да потрошиме повеќе пари. Исто така музиката, особено ако е глаасна, ја нарушува концентрацијата и го намалува вниманието. Недостатокот на концентрација влијае на нашата способност за разудување и ги зголемува шансите да купиме нешто што не ни треба. Дури и жанрот на музика која се пушта влијае на купувањето. На пример, класичната музика го поттикнува купувањето на луксузни производи.
2. Незаокружување на цената
Цената од 9.98 секогаш ќе ни изгледа поевтино од 10.00. Истражувањата покажуваат дека ќе се продадат повеќе производи ако за цена се стави 9.99, а не 10. Едноставно така функционира нашиот мозок, па така дури и кога сме свесни за овој факт, често подлегнуваме на тоа.
3. Распоред на производите
Целото наше движење во супермаркетит е испланирано од страна на најдобрите стручњаци. Ништо не е оставено на случајот. На пример, секогаш производите кои најчесто ги купуваме, како леб и млеко, се ставаат да бидат најоддалечени од влезот. Така мораме да поминеме најдолго растојание додека да стигнеме до нив и можеби ќе налетаме на уште некој производ кој ќе нѐ примами да го купиме. Во близина на влезот најчесто се ставаат колачи и свежо овошје бидејќи е докажано дека нив најмногу ги купуваме кога крошните ни се празни.
4. Препреки на патот
Импулсивното купување е нешто што продавачите најмногу го сакаат. Тоа се непланирани купувања на кои се решаваме во дел од секундата поради разни надворешни импулси како што се бојата, положбата и слично. Најчесто импулсивните купувања се тие поради кои подоцна ќе се покаеме. Маркетиншките стручњаци со анализи дошле до заклучок дека сме повеќе подложни на импулсивно купување тогаш кога производите ќе ни се испречат на патот. Затоа во супермаркетите секогаш можете да видите подвижни штандови кои морате да ги заобиколувате.
5. Положбата на полиците
Положбата на производите на полиците е исто така детално испланирана. Во висина на очите најчесто ни се наоѓаат производите кои се најскапи, најштетни, но и најпримамливи. Поевтините производи се наоѓаат на дното или на врвот на полицата, па за да ги купиме нив, ќе треба или да се наведнеме или да се поткренеме. Исто така,во висина на детските очи најчесто се ставаат слатки и играчки кои треба да ги намамат.
6. Чувство на итност
Еден основните човечки инстинкти е реагирањето на итност. Кога нешто е временски ограничено, тогаш во нас се јавува потреба тоа да го сториме што е можно порано. Затоа и постојат попусти коишто се временски ограничени со големи слогани како: „Уште денес попуст од 30%“ и слично.
7. Промоции и попусти
Компаниите не можат да си дозволат да бидат во загуба. Поради тоа дури и попустите се направени така што ќе се заработи. Потврдено е дека кога има големи намалувања, купувачите често го купуваат тоа што не им е потребно, истовремено мислејќи дека направиле добра зделка. Исто така,продавниците обично на попуст ги нудат тие производи коишто порано никој не сакал да ги купи, во надеж дека некој од купувачите ќе се улови на тоа.
8. Ситниците стојат на касата
На супермаркетите им одговара што подолго да чекаме во ред. Така се зголемува веројатноста дека ќе купиме некоја од ситниците кои стојат на касата, како некоја чоколада или гуми за џвакање. Малите деца се најподложни на овие предизвици. Ситниците секогаш стојат крај касата, бидејќи често такви нешта и не планираме да купиме, а штом се мали, во нас се јавува чувство дека не се скапи и дека цената е вистинска ситница. Меѓутоа, тоа не е секогаш така.
9. Бои и мириси
Привлечните мириси кои доаѓаат од штандовите со леб, колачи, кафе или прашок најчесто психолошки влијаат на нашата потреба за купување. Истото важи и за боите. Секогаш се води сметка за правилниот избор и комбинација на бои за поттикнување на купување.
10. Големината на просторот
Докажано е дека луѓето не сакаат многу да се задржуваат во пренатрупани продавници и маркет. Тогаш вообичаено влегуваат да купат само она што им треба и брзо излегуваат. Затоа супермаркетите секогаш се трудат да бидат распоредени на што поголем простор, за купувачите во нив да се чувствуваат пријатно и смирено. Колку просторот е поголем, толку се поголеми шансите дека ќе останеме подолго и ќе купиме уште нешто.
