Сет Кастил, фотограф кој работи во Њујорк и Лос Анџелес, специјалист за подводна фотографија. Тој направил околу 10.000 фотографии на повеќе од 750 бебиња во албумот кој го нарекол „Подводни бебиња“ и кој може да се купи на Амазон.
Некој би можел да си помисли дека на овој начин им се наштетува на бебињата, но всушност е токму спротивно од тоа. Серијата на Кастил цели кон тоа да се крене свеста за фактот дека во САД давењето е една од најчестите причини за смрт на деца на возраст од една до четири години. Бебињата на неговите фотографии се дел од програмата за привикнување на децата на водната средина и развивање на инстинктивни техники за самоспасување кои можат да им помогнат да преживеат доколку се најдат во опасност од давење. Бебињата ги учат да го задржуваат здивот, да ги движат нозете и да пливаат на грб.
