Аеродромот со најспектакуларна глетка – ако патувате во Малта, барајте седиште до прозорецот!

Славна по својот прекрасен пејзаж, карпестиот брег и кристално јасните води, аеродромот на медитеранскиот архипелаг Малта е именуван како аеродром со најспектакуларна пристапна глетка. Европскиот остров го зазеде местото на врвот во неодамнешна анкета во која беа опфатени авионски патници и експерти, надминувајќи ги претходните победници Ница, Франција и Квинстаун, Нов Зеланд.

Патниците го избрале победникот поради спектакуларната глета при приоѓањето кон аеродромот, при што во прозорското окно се сместуваат островите Малта и Гоцо, заедно со синото море, зеленило и градови. Џо Шарки, поранешен репортер за Њујорк Тајмс кој бил дел од панелот кој ја формирал кратката листа за анкетата, кажал: „Приоѓајќи од разбрануваното сино море, наеднаш се појавува малиот и изолиран карпест остров и вие веднаш ја разбирате милениумската геостратешка важност на Малта во Средоземието.“

По Малта, на листата следуваат Ница и Квинстаун, четвртото место му припадна на Бара во шкотските Надворешни Хебриди, додека петтото место му припадна на холандскиот остров Саба во Карипското Море.