На сите ни се познати јаболката и портокалите, а похрабрите меѓу нас од време на време ќе пробаат манго, киви и други тропски деликатеси кои можат да се најдат на пазарот. Но, природата има уште многу изненадувања за нас. Постојат стотици други видови овошје кое ретко се наоѓа на пазарите. Сите се природни, неверојатно вкусни и сѐ уште не се деформирани од човечката желба за заработка. Единствениот недостаток им е тоа што тешко се наоѓаат.
Мајмунски портокал
Потекнувајќи од Африка, ова мало овошје има вкус како мешавина од портокал, банана и праска. Исто така имаат и пријатен мирис кој потсетува на каранфилче.
Канистел
Ова централно-американско овошје изгледа како џиновска жолчка од јајце, но вкусот повеќе му е како на пита од тикви. Има многу сладок вкус и всушност расте во повеќе земји од светот, но сепак тешко се наоѓа на пазарите.
Бобо (Anonidium mannii)
Бобо е локалното име на едно од омилените овошја во Африка. Џиновските плодови достигнуваат тежина од 5 до 15 килограми. Многу е хранливо, но и скапо, дури и во Африка.
Шеќерно јаболко
Помал брат на бобото е шеќерното јаболко. Природно се наоѓа во Централна Америка, индискиот субконтитент, Филипините и Карибите.
Черимоја
Уште еден член на погоре спомнатото семејство е овој сладок плод, чијашто природна средина се местата со тропска клима. Богат е со шеќер и многу сладок. На Хаваите е многу популарно овошје.
Масуку
Ова овошје, иако не толку убаво на изглед, сепак е популарно во Африка кадешто е ефтина храна богата со хранливи материи и вкусен сок. Дрвјата масуку даваат плодови во изобилство, но научниците сѐ уште не нашле начин како да се култивираат надвор од Африка.
Јо Педалаи
Ова бизарно клопчесто чудо потекнува од Југоисточна Азија. Вкусот му е како на Juicyfruit гума за џвакање, а големите семки имаат вкус на кикирики.
Џаботикаба
Џаботикаба изгледа како грозје, има вкус на грозје, но не расте како грозје. Расте на зимзелено дрво кое достигнува височина до 10 метри. Поради тоа што потекнува од Бразил, популарното име на ова овошје е – бразилско грозје.
Мупунду или Мобола
Овие африкански сливи имаат вкус на јагода. Ароматичното дрво произведува и масло кое исто така може да се употребува во исхраната, но и во производството на лакови и сапун.
Бакупари
Покрај неговиот слатко-киселкаст вкус, ова овошје во Јужна Америка се цени како лековито, а во последно време научниците ги испитуват неговите лековити својства како потенцијално средство за борба со ракот.
Абиу
Овој кисел амазонски деликатес е буквално полн со витамин С. Кога е зрело, овошјето има вкус на карамела, поради што често се употребува како десерт.
Африканско тропско јаболко
Ова егзотично овошје има вкус на кајсија, мирис на ананас и наводно во устата се топи како крем.
