Ние сме навикнати да ги засноваме нашите одлуки на одредени факти за историјата што ги научивме во училиште или од книги. Но, постојат многу факти за кои малку луѓе знаат дека го разбиваат стереотипното знаење за минатото.
На пример, кој би помислил дека на почетокот на 20 век децата биле медицински третирани со кокаин и дека во почетокот никој не сакал да купи тоалетна хартија во СССР, но тогаш станала толку популарна што почнало да снемува залихи во продавниците?
1. Опасна медицина
Кокаинот бил неверојатно популарен кон крајот на 19 и почетокот на 20 век како лек и како стимуланс. Дури и самиот Фројд бил зачуден од кокаинот и го препорачал за многу нарушувања. Кокаинот бил додаван во храна и пијалаци и бил искористен како основа за производство на многу видови на лекови, вклучувајќи и лекови за деца. Општеството забележало лоши несакани ефекти од земањето кокаин многу подоцна. Дури во 1963 година ОН го вклучиле кокаинот во нивната листа на забранети лекови.
Покрај кокаинот, лекови базирани на морфиум и хероин исто така биле многу популарни. Тие биле додавани во сирупите за кашлица и се користеле за лекување на психички нарушувања.
Ова може да изгледа чудно, но во првата половина на 20-тиот век дури и за цигарите се верувало дека се лек. Тутунските компании побарале од лекари да ги рекламираатнивните производи. Рекламите велеле дека „пушењето е подобро од исхраната“, дека пушењето помага со болки во грлото, кашлица, па дури и астма. Цигарата станала моден додаток.
2. Ирански Шах и неговиот харем
Постои прилично контроверзна приказна за харемот на Насер ал-Дин Шах Каџар, кој владеел во Иран кон крајот на 19 век. Многу луѓе биле шокирани кога ги виделе фотографиите на неговите жени. Некои од жените биле убави … на неконвенционален начин. Имале мустаќи!
Има луѓе кои веруваат дека ова се вистинските фотографии на харемот на Насер ал-Дин. Тие тврдат дека тој ја сакал фотографијата и фотографирал портрети, а особено сакал да фотографира портрети на жени.
Сепак, постои спротивставена теорија која сугерира дека „жените“ што ги гледаме на фотографиите всушност не се жени! Според оваа идеја, поради забраната за фотографирање, мажите од првиот Државен театар биле поканети да учествуваат во фотосесијата и биле облечени како жени!
3. Смешни гас-маски
Мајка и 3 деца, од кои едното е во спрецијална количка со прочистувач на воздух
Масовното производство на гас-маски започнало за време на Првата светска војна. Заедно со гас-маските за војниците, имало и специјални маски за коњи и кучиња. Интересен факт: според писателот Александар Мориц Фреј, кој служел со Хитлер за време на Првата светска војна, Хитлер почнал да ги носи карактеристичните мустаќи, откако му било наредено да ги ублажи неговите мустаќи за да го олесни носењето на гас-маска. На овој начин Хитлер ги добил карактеристичните мустаќи.
Подоцна, биле произведени гас-маски за цивили. На пример, имало посебни соби за гас, каде што можеле да се сокријат, па дури и колички за бебиња, кои биле модифицирани на принципот на гас-маски. За време на Втората светска војна, за да не ги плашат децата со страшни гас-маски и да не изгледа како измачување, имало дури и гас-маска во облик на Мики Маус во САД.
4. Бескорисен изум
Првите споменувања на тоалетната хартија се сретнуваат во Кина во 6 век. Европејците користеле други методи многу векови: волна, лисја, песок, партали, мов, па дури и школки. Печатењето во 19 век довело до тоа луѓето да користат евтини книги и весници како тоалетна хартија.
Тоалетната хартија што ја знаеме денес – ролни со тоалетна хартија – се појавила кон крајот на 19 век. Во СССР, производството на тоалетна хартија започнало дури во 1969 година. Во почетокот, таа не била многу популарна. Граѓаните мислеле дека е залудно трошење на пари купувањето на специјална хартија кога би можеле да користат обични весници.
Кампањата спонзорирана од владата влијаела врз населението, така што активно почнале да го купуваат овој нов производ, што наскоро довело до негов недостиг.
5. Нови производи за убавина
На почетокот на 20 век, индустријата за убавина почнала да се развива навистина брзо, нудејќи ги своите нови уреди за подобрување на изгледот. Уредите, патем, изгледале навистина чудно, а некои од нив, дури и изгледале повеќе како уреди за мачење отколку за убавина. Сепак, жените навистина не се плашеле од експериментирање и ги користеле новите пронајдоци: уреди за замрзнување на пеги, отстранување на акни, менување на обликот на носот и многу други работи.
Клиентот во салонот за убавина на Хелена Рубинштајн во млечна бања со воздушни меури и специјална анти-стареечка маска за лице, 1937 година.
Во 1910-тите години, во Источна Европа и Америка, салони за убавина станале популарни. Основачот на познатиот ланец на салони за убавина, каде што првите професионални козметолози работеле била Хелена Рубинштајн. Таа ја измислила водоотпорната маскара и ги раздвоила 3-те типа на кожа: нормална, сува и мрсна, исто така препорачала специјален режим за нега за секој од нив.
Отсекогаш ве мачеле големите прашања? Верувате дека светот не е толку едноставен и дека постојат и работи кои не ги гледаме? На вистинското место сте. Посетете го каналот Мистерии и урбани легенди.
