Некои градови во светот се познати по нивната големина, по современата архитектура, огромните облакодери и сјајни светла. Но некои се карактеристични и познати поради сосема поинакви причини. Кога од далеку го гледате Џодпур, град кој се наоѓа во индиската држава Раџастан, еден дел од градот е обоен во сино. Тоа е стар дел од градот кој отпрвин можеби ќе изгледа како некаква оптичка илузија, но куќите навистина се сите обоени во светло сина боја.
Џодпур е познат како Синиот град
Тоа е вториот град по големина во Раџастан
Џодпур бил основан во 1459 година. Неговиот основач Рао Џода наредил многу од куќите во градот да бидат обоени сино.
Некои веруваат дека куќите се сини бидејќи многу од нив биле домови на брахмани, бидејќи сината боја била симбол на оваа свештеничка каста во Индија.
Други тврдат дека сината боја е резултат на хемикалиите кои се употребуваат против термити, а врската со брахманите се само случајна бидејќи покрај припадниците на свештеничката каста, во куќите живеат и други луѓе.
Трети пак велат дека теоријата со термитите е погрешна и дека град како Џодпур кој ја почитува чистата животна средина не би ги покривал своите згради со отровни хемикалии.
Која и да е причината, сепак се работи за неверојатно живописен град со свој сопствен карактер.
Во прекрасните глетки може да се ужива од врвот на тврдината Меранагарх, која бдее над градот уште од неговото основање.
Синиот град е вистински одмор за очите, особено за оние кои се навикнати на сивилото во современите градови.
