Коктелите сладоледи се совршено летно уживање и уникатен начин да се служат пијалоци. Еве неколку рецепти за тоа како да си приготвите еден ваков сладолед.
Сангрија со праски
Додадете малку ракија од праски во сангрија, обложете парчиња од праски со шеќер, измешајте сѐ заедно и ставете ги во замрзнувачот неколку часа.
Мохито
Шеќер, нане и сок од лимон се неверојатни состојки за секој сладолед. На ова додадете и малку рум, и добивате коктел сладолед. Првин зовријте ги шеќерот и водата, додадете нане и оставете да врие пет минути пред да ја оставите смесата да се излади. Потоа процедете, додадете малку лимон и алкохол по избор, и добивате вкусен коктел сладолед.
Пинаколада
Коктелот пинаколада има вкус на лето, но овој силен пијалок не секогаш е освежителен. Измешајте свеж ананас со кокос, додадете рум и мешајте додека смесата да се изедначи. Исцедете по потреба и оставете ја во замрзнувач во текот на 24 часа.
Црвено вино
И со вино можете да направите вкусен сладоле. Додадете шеќер и овошје за да го направите уште повкусен. Доколку смесата стане преслатка, додадете малку балсамов оцет за да ги избалансирате вкусовите.
Маргарита
Свеж џус и текила во замрзната летна наслада? Да, измешајте лимон и портокал и потоа додадете ликер од портокал, шеќер и текила – и добивате маргарита сладолед на стапче.
Сладолед од пиво
Додадете малку шеќер и сок од лимон на вашете омилено пиво, ставете во замрзнувач неколку часа и добивате сладолед кој ќе има подобар вкус и од вистинско пиво…можеби, а можеби и не.
Шампањ
Измешајте шампањско со вашето омилено свежо овошје за да си приготвите вистинска коктел наслада. Покријте го сладоледот со некоја глазура за да го направите уште поотмен.
Даикири
Кога станува збор за коктел сладоледи, даикири од јагода е веќе на половина пат до конечниот резултат. Измешајте јагоди, рум, сок од лимон и шеќер со лед, и потоа оставете смесата да замрзне.
Текила санрајз
За ова ви треба ананас, текила и калинки за да направите совршен текила санрајз сладолед. Измешајте сок од ананас со парчиња ананас и потоа додадете ја текилата. Наполнете го калапот за сладолет до три четвртини и потоа додадете кафена лажица калинки.
Рум и кока-кола
Измешајте кока-кола со рум, и направете коктел сладолед кој секој пират кој држи до себе би го обожавал. Додадете и малку калуа ликер и сте подготвени за летото.
