Човеков кој и порано бил апсен за криумчарење, изгледал како да му е неудобно и делувал доста нервозно и немирно. Француските цариници го забележале сомнителното однесување и го запреле за дополнително испитување.
Колку и да звучи лудо, еден холанѓански патник за време на лет од Африка до Франција, се обидел во гаќите да прокриумчари неколку колибри птички.
Тоа што го нашле пребарувајќи го било вистинско запрепастување – неколку колибри птичиња завиткани во ткаенина и напикани во специјални џебови вшиени во внатрешноста на неговата долна облека.
За несреќа на птиците, властите веруваат дека не биле успиени пред да бидат напикани во гаќите на овој тип.
Како олеснителна околност, навистина изгледа дека му било неудобно.
За среќа на малите птици, цариниците на време ги спасиле од испотените гаќи на Холанѓанецот.
Не се знае дали е покренато обвинение против него за овој уникатен обид за криумчарење птици.
