Прекрасната компанија за играчки наречена „Бадсис“ е подготвена да ја прифати секоја детска чкртаница како идеја и да ја претвори во вистинска играчка за детето кое ја нацртало. А ако детето не може да изнајде свој сопствен дизајн, на веб страницата на компанијата се поместени најразновидни обрасци дизајнирани од страна на илустраторот Ехен Едмудсон, коишто можат понатаму самите да ги надградат и изменат, дали тоа ќе значи уште една нога, можеби уште едно око, некој вид украс или едноствано обојување на ликот по вкус на детето.
