Д-р Џош Аксе автор на книгата Eat Dirt верува дека постојат 5 различни типови на стомаци. Многу нутриционисти ќе се согласат дека здравјето започнува од стомакот. Затоа луѓето треба да бидат свесни каков стомак имаат и како да го третираат.
Кандида
Ако имате ваков тип на стомак вие веројатно јадете многу шеќер, ладна храна и антибиотици. Симптоми на кандида стомакот се нагло зголемување на телесната тежина, бавен метаболизам, течна столица и исцрпеност. Многу луѓе доживуваат лош здив, глад, мозочна магла, болка во зглобовите и надуеност.
Според д-р Аксе постојат многу начини за да се спротивставите на кандидата во стомакот.
Тие вклучуваат избегнување на шеќер, таблети и ладна храна. Нив заменете ги со чорби, супи, билни чаеви, овошја. Јадењето лук (кој го поттикнува имунолошкиот систем) и грејпфрут ќе ја намалат веројатноста за појава на кандида.
Имунолошки
Симптомите се проблеми со дебелото црево.
Причината за ваков тип на стомак е алергија на храна и нетолеранција, особено на глутен и млечни производи. Единствен спас е нејадење на овие производи.
Доктор Аксе препорачува водење дневник на храна за да дознаете која храна е вашиот проблем, а потоа да престанете да јадете.
Тој исто така вели дека супата од коски е голем исцелител и дека кокосовото масло е голем плус во вашата кујна.
Токсичен
Ако вашиот стомак е токсичен, вие сте во неволја. Симптомите на овој стомак се чувствителна кожа, болести на жолчното кесе, а се јавуваат поради јадење многу масна храна.
Лекувањето вклучува јадење храна богата со растителни влакна и храни кои го поддржуваат црниот дроб и жолчката.
Јадете темно зелен зеленчук, зелени плодови и цедени сокови во најголем дел.
Намалете ја млечната и масната храна, авокадото е одлична замена за мастите, а куркумата најмногу му помага на црниот дроб.
Стрес
Овој тип на стомак е проблем на денешните генерации. Симптомите се ниско либидо, мускулна слабост, алергии и несоница.
Д-р Аксе препорачува да се избегнува кофеин, алкохол и шеќер кои предизвикуваат воспалителна реакција. Наместо тоа да се пијат билни чаеви, храна богата со витамини од групата Б, говедско месо, лосос, јогурт и кефир.
Виолетова зелка, бобинки, ореви, семки од тиква и авокадо исто така можат да помогнат за овој тип на стомак.
Гастритис
Последно, но не и најмалку важно е гастритис стомакот.
За секој кој редовно се чувствува подуен или страда од киселина после јадење страда овој тип на стомак.
Место да јадете три големи оброци, јадете малку и често. Пијте чаша топла вода со една лажица јаболков оцет пред јадење, за да го намалите pH на желудникот.
И на крај намалете го внесувањето на кафе и избегнувајте ја преработената храна секогаш кога можете.
Редовно јадете овошје и зеленчук и џвакајте го темелно пред голтање. Избегнувајте да јадете кога сте под стрес.