Дубаи е местото каде што се наоѓаат највисоките облакодери, вештачки острови, хотел со прашума и што уште не. Сега Дубаи е и дом на најголемиот забавен парк во светот во затворен простор. Паркот „Светот на авантурите“ се простира на 140.000 метри квадратни и можете да сретнете ликови од Cartoon Network и универзумот на Марвел. Забавниот парк од 1 милијарда долари го отвори владетелот на Дубаи, шеикот Мохамед бин Рашид.

Огромниот простор може да собере до 30.000 посетители дневно, а има и комплекс од кино сали со 12 IMAX екрани. Со приходите од забавниот парк кои се очекува да се зголемат за 78%, на 837 милиони долари во 2019 година, паркот може да се позиционира како еден од водечките забавни центри во регионот.

Паркот е поделен на четири зони: Марвел, Cartoon Network, Изгубената долина-Авантура со диносаурусите и IMG булевар. Зоната на Cartoon Network, вклучува 5Д кино и е домаќин на 1.200 посетители на час. Постојат 22 атракции за адреналинско возење. Од кои најинтересен е ролеркостер во кој првин ги вози посетителите во затворениот простор а потоа и надвор во пустината. Тој забрзува до 100 километри на час за 2,5 секунди и ги вози посетителите од праисториските џунгли во зоната Изгубената долина, па се до пустината на Дубаи.

Опседнатиот хотел исто така е одлична атракција, со лавиринти и се наоѓа на IMG булеварот кој зафаќа површина од 20.000 метри квадратни. Исто така, има 25 продавници и 28 ресторани и барови, а цените се она што би го очекувале од Дубаи. Само едно пенкало чини околу 25.000 евра. Дубаи се надева дека ќе привлече околу 20 милиони посетители годишно до 2020 година.

Сподели на Facebook
пати видено