Иако повеќето луѓе мечтаат за плажа со прекрасен бел песок, плажите низ светот имаат и поинаква боја. Низ светот има плажи со пурпурен, розев, црвен, зелен, црн, портокалов и бел песок.
Дали тоа се должи на вулканската активност или на минијатурните корални фрагменти кои во комбинација со белиот песок, резултатите го одземаат здивот. Од Црвњната Плажа на Санторини, Грција, па се до маслинесто зелените брегови на Папаколеа на Хаваи, еве 15 наживописни плажи на светот.
Потопете ги нозете во црвените песоци на Црвената Плажа во Санторини, Грција. Камењата богати со железо довеле до црвеното обојување на песокта.
Уште една црвена плажа е Каихулулу во Мауи, Хаваи.
Папаколеа се наоѓа на јужниот дел од Големиот Остров на Хаваи. Зелениот песок доаѓа од маслинестите кристали од околните вулкански камења во заливот Махана.
Благодарение на железото кое се содржи во песокта, заливот Ралма на малтешкиот остров Гозо пленува со портокаловите песоци на своето крајбрежје.
Порто Феро на Сардинија, Италија има светло портокалов песок, кој е резултат на портокаловиот варовник, остатоците од школки и вулкански депозити.
Хорсшу Беј е една од розевите плажи на Бермудските острови. Бојата на песокот се должи на мешавината од школки, корали и калциум карбонат.
Слично е и со плажите на Бахами.
Розевата плажа на Ломбок, Индонезија својата розева боја ја должи на белиот песок измешан со мали фрагменти на црвени корали.
На северното крајбрежје на Фајфер Бич во Калифорнија ќе видите виолетов песок. Кварцот и депозитите на манган во блиските ридови ги создале овие уникатни плажи.
Плажата Муривеј во Оукленд, Нов Зеланд ќе ве изненади со црниот песок кој се протега на површина од шеесеттина километри, резултат на вулканското минато на овој остров.
Црн песок има и на плажата Пуналу, на Хаваи.
Плажата на Вик и Мирдал на Исланд исто така има темно обоен песок, кој се должи на базалтните депозити.
Крај Шелтер Коув, Калифорнија, ќе најдете сиво обоен песок, како последица на ерозијата на блиските карпи.
Во светот има многу плажи со бели песоци, но Хајенс Бич во Нов Јужен Велс, Австралија е вброена во Гинисовата книга на рекорди како најбелата плажа. Малите кварцни честички ја направиле оваа плажа блескаво бела.
И на крај, постои плажа во кои ги има речиси сите бои кои би можеле да ги замислите. Реинбоу Бич во Квинсленд, Австралија има 72 различни нијанси на боја, благодарение на разнобојните карпи во близина.
